إزاي تفرق بين أنواع الخشب؟

قبل ما تشتري عفش بيتك لازم تبقى عارف أنواع الخشب كويس عشان تختار صح اللي يناسبك وميتضحكش عليك، عشان كده جمعنالك أنواع الخشب في مقالة واحدة تخليها دليل ليك

الخشب الموسكي
 الخشب ده بيكون لونه أبيض مصفر ومليان الدواير اللي لونها بني محروق، يعتبر من أنواع الخشب الرخيصة نسبيا
مقارنةً بباقي الأنواع و يعتبر أقل نوع فيهم من حيث الجودة و بيستخدم عادةَ في صناعة الأبواب العادية

الخشب الموجنة
 لونه بيبقى بين الأحمر والبني الخشب الموجنة اسمه العلمي (ماهوجني) و هو من الأخشاب القوية و الغالية و لكن عيبه الوحيد إن معامل التمدد الحراري بتاعه كبير شوية

الخشب الزان
لونه بيبقى بني وفي نوع منه لونه بيج محمر، وهو من أجود و أمتن أنواع الأخشاب في العالم لأنه بيتميز بكثافته العاليه و من أفضل أثاث الموبيليا